قالت الفنانة يسرا في تصريحات تليفزيونية : "أنا أحب فيلم (الإرهاب والكباب) وهو من أهم 100 فيلم في العالم، هو فيلم حدوتته لوحده، وعندما أشاهده عمري ما أزهق منه، ولا هو ولا (طيور الظلام)، ولا أفلام فترة التسعينيات".
وأضافت يسرا: أتمنى العمل مع شريف عرفة، دا عشرة عمر، وأحلى سنين عمري قضتها معه، شريف عرفة مش قليل، يا بخت اللي بيشتغل معه، هو بس يقول لي يلا وأنا جاهزة.
وتابعت يسرا: أحب دوما مشاركة الشباب في أعمالهم، في "فيلم ثقافي"، أنا فاكرة الأستاذ سامي العدل كان بيصور تحت بيتي، اتصل بي وقال لي "ممكن تلبسي وتنزلي عشان تصوري مشهد واحد للشباب الجديد"، قولت له نازلة حالا، مافكرتش في حاجة، أوقات يتعرض عليك حاجات مش لايقة بك، وأوقات تكون لايقة مثل دوري في "شقو"، وفي حاجات كتيرة بتخليك تبقى عايز تعمل حاجة مختلفة، تخرج من جلدك.
فيلم "الإرهاب والكباب" عرض عام 1992، من بطولة عادل إمام ويسرا وكمال الشناوي وأحمد راتب وأشرف عبدالباقي وعلاء ولي الدين وإنعام سالوسة وماجدة زكي، ومن تأليف وحيد حامد وإخراج شريف عرفة.
فيلم "شقو" من بطولة عمرو يوسف، محمد ممدوح، ودينا الشربيني، وأمينة خليل، ويسرا، من تأليف وسام صبري، إخراج كريم السبكي، وإنتاج أحمد السبكي.